ରାଉଲକେଲା ରେ ସରସ ସ୍ବଦେଶୀ ମେଳା ଆରମ୍ଭ ସ୍ବଦେଶୀ ଆପଣେଇବାକୁ ଆହ୍ବାନ
ବଣାଇ : ୨୮/୨/୨୬ : (ଡମ୍ବରୁ ପ୍ରଧାନ) ସୁନ୍ଦରଗଡ ଜିଲ୍ଲା ପ୍ରଶାସନ ଏବଂ ଓଡିଶା ସରକାରଙ୍କ ପଂଚାୟତିରାଜ ଓ ପାନୀୟ ଜଳ ବିଭାଗ ଅଧିନରେ ଥିବା ଓରମାସ ର ମିଳିତ ଆନୁକୁଲ୍ୟରେ ସରସ ସ୍ବଦେଶୀ ମେଳା ଆଜି ଆରମ୍ଭ ହୋଇଯାଇଛି l ଏହା ମାର୍ଚ୍ଚ ୯ ତାରିଖ ଯାଏ ଚାଲିବ l ଆଜି ବିଧାନସଭାର ଉପ ବାଚସ୍ପତି ଭବାନୀ ଶଙ୍କର ଭୋଇ ମୁଖ୍ୟ ଅତିଥି ଭାବରେ ଯୋଗ ଦେଇ ଆନୁଷ୍ଠାନିକ ଭାବରେ ଏହାର ଉଦ୍ଘାଟନ କରିଛନ୍ତି l ଏହି ଅବସରରେ ସେ ସେ କହିଛନ୍ତି ଯେ ସ୍ବଦେଶୀ କେବଳ ଆନ୍ଦୋଳନ ନୁହେଁ ଏକ ଆହ୍ବାନ l ସ୍ବଦେଶୀ ଜିନିଷ କିଣିବା ବ୍ୟବହାର କରିବା ଦ୍ବାରା ଗାଁ ର ଲୋକଙ୍କର ରୋଜଗାର ବଢିବ l କାର୍ଯ୍ୟକ୍ରମରେ କେନ୍ଦ୍ରୀୟ ଆଦିବାସୀ କଲ୍ୟାଣ ମନ୍ତ୍ରୀ ଶ୍ରୀ ଜୁଏଲ ଓରାମ ଭରଚୁଆଲ ମାଧ୍ୟମରେ ଯୋଗ ଦାନ କରି ସରସ ସ୍ବଦେଶୀ ମେଳାର ସଫଳତା କାମନା ଓ ଶୁଭେଛା ଜଣାଇଥିଲେ l ରଘୁନାଥପଲ୍ଲୀ ବିଧାୟକ ଦୁର୍ଗା ଚରଣ ତନ୍ତୀ ଅଭିଭାଷଣ ରେ କହିଥିଲେ ଯେ ଏହି କାର୍ଯ୍ୟକ୍ରମ ସହରର ଅଧିବାସୀ ମେଳାର ସୁଯୋଗ ନିଶ୍ଚୟ ନେବେ l ସ୍ବଦେଶୀ ଗ୍ରହଣ କରିବା ଓ ଆତ୍ମ ନିର୍ଭର ଦେଶ ଗଠନ କରିବା ସହାୟକ କରିବା ପାଇଁ ଉଦ୍ବୋଧନ ଦେଇଥିଲେ l
ଏହି ଅବସରରେ ସ୍ବଦେଶ ଜାଗରଣ ମଂଚ ର ରାଜ୍ୟ ଆବାହକ ରମାକାନ୍ତ ପାତ୍ର , ସୁନ୍ଦରଗଡ ଜିଲ୍ଲାପାଳ ଡାକ୍ତର ଶୁଭଙ୍କର ମହାପାତ୍ର ,ରାଉରକେଲା ଅତିରିକ୍ତ ଜିଲ୍ଲାପାଳ ତଥା ମହାନଗର ନିଗମ କମିଶନର ସୁଶ୍ରୀ ଦୀନା ଦସ୍ତଗୀର, ଆଇଏସ ଶିକ୍ଷାନବୀସ ଫାବି ରସିଦ ଉପସ୍ଥିତ ଥିଲେ l ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ, ଜିଲ୍ଲା ପରିଷଦ ସୁରଂଜନ ସାହୁ ସ୍ବାଗତ ଅଭିଭାଷଣ ପ୍ରଦାନ କରିଥିଲେ l ପାନପୋଷ ଉପ ଜିଲ୍ଲାପାଳ ବିଜୟ ନାୟକୁ ଧନ୍ୟବାଦ ପ୍ରଦାନ କରିଥିଲେ l ସାଂସ୍କତିକ କାର୍ଯ୍ୟକ୍ରମର ଆୟୋଜନ ମଧ୍ୟ କରାଯାଇଥିଲା l ସେକ୍ଟର ୧୩ ର ମେଲଣ ପଡିଆରେ ଏହି ମେଳା ରେ ଓଡିଶାରୁ ୧୨୭ ଟି ଷ୍ଟଲ ଓ ଅନ୍ୟାନ୍ୟ ରାଜ୍ୟରୁ ୪୮ ସ୍ବଦେଶୀ ଜାଗରଣ ମଂଚରୁ ୧୫୦ ଷ୍ଟଲ ଲାଗିଛିl
